அதிக கொலஸ்ட்ரால் இதய நோய், உயர் இரத்த அழுத்தம், பக்கவாதம் மற்றும் நீரிழிவு உள்ளிட்ட பல்வேறு உடல்நலப் பிரச்சினைகளுக்கு வழிவகுக்கும். கொலஸ்ட்ரால் ஆண்மைக்குறைவு உள்ளிட்ட பிரச்சனைகளை ஏற்படுத்தும் என நிபுணர்கள் குறிப்பிடுகின்றனர். கெட்ட கொழுப்பின் அளவைக் குறைக்கவும், நல்ல கொழுப்பின் அளவை அதிகரிக்கவும் உணவு மற்றும் வாழ்க்கை முறைகளில் பல மாற்றங்கள் தேவை. 

வழக்கமான உடற்பயிற்சியுடன் பின்வரும் பானங்களில் சிலவற்றை உங்கள் உணவில் சேர்ப்பது கொலஸ்ட்ராலைக் குறைக்க உதவும். 

1. ஓட் பால்

ஓட்மீலில் இருந்து தயாரிக்கப்படும் ஓட்ஸ் பாலில் பீட்டா-குளுக்கன்ஸ் உள்ளது, இது கொலஸ்ட்ராலை குறைக்க உதவுகிறது. ஒரு கப் ஓட்ஸ் பாலில் 1.3 கிராம் பீட்டா-குளுக்கன் இருப்பதாக மதிப்பிடப்பட்டுள்ளது. கொழுப்பைக் கட்டுக்குள் வைத்திருக்க ஒரு நாளைக்கு 3 கிராம் பீட்டா குளுக்கன்களை உட்கொள்ள ஊட்டச்சத்து நிபுணர்கள் பரிந்துரைக்கின்றனர். 

2. பச்சை தேயிலை

க்ரீன் டீயில் உள்ள கேட்டசின் என்ற ஆன்டிஆக்ஸிடன்ட்கள் கொலஸ்ட்ரால் அளவையும் குறைக்கிறது. ஒரு கப் கிரீன் டீயில் 50 மில்லிகிராம்களுக்கு மேல் கேட்டசின்கள் உள்ளன. 12 வாரங்களுக்கு க்ரீன் டீயை வழக்கமாக உட்கொள்வது குறைந்த அடர்த்தி கொண்ட லிப்போபுரோட்டீன் அளவை 16% குறைக்கலாம். 

3. சோயா பால் 

சாச்சுரேட்டட் கொழுப்பு குறைவாக உள்ள சோயா பால், கொலஸ்ட்ராலையும் குறைக்கிறது. அதிக கொழுப்புள்ள பால் பொருட்களுக்கு பதிலாக சோயா பாலை தேர்ந்தெடுப்பது ஆரோக்கியமானது. சோயா புரதம் இதய நோய்களுக்கும் நல்லது என்று அறிவியல் பூர்வமாக நிரூபிக்கப்பட்டுள்ளது. 

4. தக்காளி சாறு

தக்காளியில் லைகோபீன் உள்ளது, இது லிப்பிட் அளவை அதிகரிக்கிறது மற்றும் குறைந்த அடர்த்தி கொண்ட லிப்போபுரோட்டீன் அளவை குறைக்கிறது. தக்காளியை காய்கறியாகவோ அல்லது சாறாகவோ பயன்படுத்தலாம். 

5. ஸ்டெரால் மற்றும் ஸ்டானால் கொண்ட பானங்கள்

ஸ்டெரால் மற்றும் ஸ்டானால் ஆகியவை தாவர அடிப்படையிலான கலவைகள் ஆகும், அவை கட்டமைப்பு ரீதியாக கொலஸ்ட்ராலைப் போலவே இருக்கும். இவை உடலால் உறிஞ்சப்பட்டு, கொலஸ்ட்ரால் போல் சேராது. மாறாக உடலில் இருந்து கழிவுகள் வெளியேற்றப்படுகிறது. உங்கள் கொலஸ்ட்ரால் அளவைக் குறைக்க, நீங்கள் ஒரு நாளைக்கு குறைந்தது இரண்டு கிராம் ஸ்டெரால் மற்றும் ஸ்டானால் எடுக்க வேண்டும். அமெரிக்கன் ஹார்ட் அசோசியேஷன் ஸ்டெரால் மற்றும் ஸ்டானால் செறிவூட்டப்பட்ட உணவுகளை சாப்பிட பரிந்துரைக்கிறது, ஏனெனில் இது தாவரங்களில் பெரிய அளவில் காணப்படவில்லை.